Core Mio
Core core mio,ma  ch’haje passato;
he fatt’’a faccia cchiù janca do cielo
Ca porta ‘a vernata.

Core core mio, lass’’a paura
M’arape ‘m pietto accussì guard’ ‘o mare
 Ca s’ è fatto scuro.

Core core mio damme ‘na voce
mò vene ‘o tiempo ca te faccio scennere
 ‘a copp’ ‘a sta croce

Core core mio,  cu ‘e mane aizate.
Haje fatt’ ‘a guerra a chi guerra t’ha fatto
 O a chi c’ ha pruvato

Core core mio, uocchie  ‘e criature,
miettete ‘e scarpe e accumbuogliate buono
Nun stà semp’annure

 Core core mio damme ‘na voce
mò vene ‘o tiempo ca te faccio scennere
 ‘a copp’ ‘a sta croce.